Alte Universitätsstraße 19
55116 Mainz – Germany
Tel.: +49/6131 / 3 93 93 60
Transkription Ausfertigungen Inhalt
1691 IV 12 Beitritt zum Allianzvertrag (1689 V 12) (München)
Bayern |
Seite 10 von 10 | |
Articulus Secretus
Serenissimus Bavariæ Electoor ita huic Foederi accedit,
et omnibus in eo contentis stare promittit, ut vicissim
Serenissimus et Potentissimus Magnæ Britanniæ Rex
obligatus sit dicto Serenissimo Electore omnibus ex
viribus assistere, casu, quo modernus Hispaniarum
Rex, quod Deus in multos annos evenire, nolit, sine
successione decederet, ut tum Serenssimus Elector
quietam possessionem Belgij Hispanici <actis> piscatur,
aut prius etiam qualicunque tempore in vita moderni
Regis adeptam contra Christianissimum Regem
aut quemcunque alium invasorem conservare valeat,
quandoquidem Eidem illud vigore Tractatus
Matrimonialis cum moderna Serenissima Electirce
initi, tam a Cæsare quam a Rege Hispaniarum
promissum est. Et si contingeret, ut dictus Serenissimus
Elector hoc specialiter in conditionem Pacis cum
Christianissimo Rege suo tempore tractandæ <ab>duci
desideraret, prædictus Ser[enissi]mus et Pot[entissi]mus Rex in id omnino
consentit, ac Negotium hoc in Se pro Sua parte
suscipit, illud non aliter, tam beli quam Pacis tempore,
tam amicabiliter, quam, si necesse foret, etiam
armis, defensur<u>s, ac si propria Ipsius res ageretur.
Promittit insuper Serenissimus et Potentissimus Magnæ
Britanniæ rex Celsos et Præpotentes D[ominos] Ordines Gen[erales]
Foederati Belgij, quantum in Ipso est, ita disponere,
ut illi pariter, requisiti cum fuerint, huic Articulo
assensum præbeant et accedant.
Actum Hagæ Comitis 12. die Aprilis anno D[omi]ni 1691
Carolus de Berkeley
Vicecomes Durkley
Seite 10 von 10 |